30 қараша мен 9 желтоқсан аралығында мектебіміздің оқушылары «Әртүрлі елдердің мәдениет күндері» іс-шарасы аясында күнделікті белгілі бір елді таныстырып отырды.

Балалар  осы уақыт аралығында Қытай, Оңтүстік Корея, Бразилия, Ұлыбритания, Германия, Украина елдері мен өз еліміз - Қазақстанды таныстырып үлгерді.

5 - 12 сынып оқушылары  бізді әр елдің мәдениеті және тарихымен, тыныс-тіршілігімен, ән-билерімен, сондай-ақ  дәстүрлі ұлттық тағамдарымен таныстыра отырып,  дәл сол елдің атмосферасын  мектепте орната білді.

Сондай-ақ  ұйымдастырылған қайырымдылық жәрмеңкелері мен қойылымдар барысында жиналған қаражат Қазақ онкология және радиология ғылыми-зерттеу институтының балалар онкология орталығының емделушілеріне беріледі.

29 қараша -14 желтоқсан аралығында мектебімізде қайырымдылыққа бағытталған Рождество акциялары өткізілді. Ойыншықтар, кітаптар, үстел ойындары, жылы киімдер – осы сыйлықтардың барлығы игі дәстүр бойынша Алматы қаласы мен Алматы облысындағы көп балалы және әлеуметтік жағынан аз қамтылған отбасыларға беріледі.

Оқушыларымызға және бүкіл мектеп қауымдастығына тамаша ұйымдастырылған шаралары үшін, қамқорлық  жасауға дайын ақпейілі үшін көп рақмет айтамыз!