20 сәуір күні Халықаралық «Мирас» мектебінде орта мектеп мұғалімдері арасында өткен «Digital Ustaz Almaty» байқауының жеңімпазы Сағынғали Қалиевпен кездесу өткізілді. Бұл байқау 2021 жылдың қыркүйек - желтоқсан аралығында «Нұрсұлтан Назарбаев Білім беру қоры» Қоғамдық қорының тікелей қолдауымен өткен болатын. Сөз кезегінде Сағынғали Лондондағы озық технологиялар көрмесіне барған кезде танысқан қызықты білім беру цифрлық платформалары туралы айтып берді. Мұғалімдер заманауи білім берудегі цифрландыру процесі туралы сұрақтар қойып, өз пікірлерімен бөлісуге мүмкіндік алды.