13-17 қыркүйек күні Халықаралық «Мирас» мектебінде «Miras ALMAFEST 2021» фестивалі өткізілді! Осы іс-шара Алматы қаласы күні және Халықаралық Бейбітшілік күні аясында ұйымдастырылды.

Апта ішінде тақырыптық сынып сағаттары, балалар жұмыстарының көрмесі, атриумда қала тарихына арналған көрме, үзіліс кезінде Ш. Айманов атындағы «Қазақфильм» киностудиясының «Қош бол, Медеу!», «Біздің сүйікті дәрігер», «Тақиялы періште» атты фильмдері көрсетілді. Балабақшада, бастауыш және негізгі мектепте алма жинауға арналған  бұрыш ұйымдастырылып, безендірілді. Мектеп қауымдастығының барлық  мүшелері атсалысып, бір апта ішінде жинаған алмалары Алматы қаласы Онкология институты балалар бөлімі пациенттеріне берілді.

Фестиваль апталығы жалпы мектептік 11 және 12 IB сынып студенттерінің мектеп асханасымен бірігіп пісірген алма бәлішімен шай ішу шарасымен аяқталды. 

Келіңіздер, қайырымды істерді бірлесе жасайық!